Bietskiedæjja, plåamstere, interijööre jïh eksponeeremehammoedimmie

Datne lïerh

• hammoe jïh visuelle vuekieh
• guhkiebasse evtiedimmiem kreatijve tjiehpiesvoetijste
• evtiedimmie jïh darjome ovmessie teknihkijste jïh vuekijste
• stijlehistovrijen jïh treendi bïjre
• gaskesadtemen jïh åestijegïetedimmien bïjre

Datne byörh

• kreatijve jïh estetihkeles årrodh
• ïedtjem utnedh gïetigujmie barkedh
• ïedtjem utnedh visuelle buektemehammojste
• veele jïh vissjeles

Datne maahtah sjïdtedh

• plåamsterefeegrije
• bietskiedæjja
• interijöörekonsulente
• vuesiehtimmie- jallh profileeremehammoedæjja
• maskööre- jïh loevesvoeptedarjoje
  Vuartesjh gaajhkh barkoeh jïh maahtoeh

Barkoesijjieh

• plåamsterebovre jallh plåamsterevierhkiesijjie
• bietskiedæjjasalongh jallh teatere
• reklaame-, hammoe- jïh medijasïelth
• jïjtse sïelte

Guhkiebasse ööhpehtimmie

Barkoefaageles lïerehtimmie barkoemaahtoem ulmine åtna (faage- jallh svenneprievine jallh namhtah). Barkoefaageles lïerehtimmiem mænngan maahtah barkosne aelkedh jallh guhkiebasse ööhpehtimmiem vaeltedh:

• Maahtah jåarhkeööhpehtimmiem vaeltedh faageskuvlesne. lea åenehks jïh barkoestuvreme jåarhkeööhpehtimmie mij lea ussjedamme dejtie mah barkoefaagem vaadtseme.
  
• Maahtah Jåa3 lissiebigkemem sïejhme studijemaahtose vaeltedh
  – Jåa 2:n mænngan jallh
  – mænngan barkoemaahtoem jakseme.
  Dellie nuepiem åtnah jollebe ööhpehtimmiem vaeltedh jïlleskuvlesne jallh universiteetesne. Mujhtieh såemies studijh, v.g. insjenööre-, realfaage- jïh medisijnen studijh, krievieh dov leah vihties realfaagh.
• Maahtah aaj tsaekemem ohtsedh jollebe ööhpehtæmman åvtekuvsjen mænngan B-geajnoen tjïrrh, barkoefaageles geajnoe jollebe ööhpehtæmman. B-geajnoe lea ussjedamme dutnjien mij sjyöhtehke barkoemaahtoem åtna. Åvtekuvsjh jïh B-geajnoe leah sïejhmemes realfaage- jïh insjenöörestudiji sisnjeli.