Joatkkaoahppu rávisolbmuide
Joatkkaoahppu ohcamis ii leat bajit ahkerádji, muhto jus leat badjel 24 jahkásaš fertet váldit joatkkaoahpu rávisolbmuide.
Leat go gaskkal 19-24 sáhtát mearridit háliidatgo joatkkaoahpu nuoraide dahje rávisolbmuide.
Geas lea vuoigatvuohta joatkkaohppui rávisolbmuide:
- Sii geat leat čađahan vuođđoskuvllaoahpaheami dahje sullasaš oahppu, muhto eai leat ožžon studerengelbbolašvuođa dahje fidnogelbbolašvuođa joatkkaskuvllas.
- Sii geat leat ollehan olgoriikalaš joatkkaoahpaheami mii ii leat dohkkehuvvon Norggas.
Vuoigatvuohta joatkkaohppoheapmái gusto dán skuvlajahkái mii álgá dan jagi go deavddát 19 jagi.
Ollásmahttinvuoigatvuohta
Vuoigatvuohta ovdaskuvllaohppui bistá dassážii leat ožžon studerengelbbolašvuođa dahje fidnogelbbolašvuođa, beroškeahttá man guhkes áiggi geavahat dasa.
Jus don leat čađahan muhtin osiid joatkkaoahpus, nugo ovdamearkka dihte čađahan muhtin fágaid, dahje leat čađahan oahpakandidáhtain dahje leamaš hárjehallanreivemandáhttan, lea dus vuoigatvuohta čađahit joatkkaskuvllaoahpu dassážii leat olahan fidnogelbbolašvuođa dahje studerengelbbolašvuođa.
Vuoigatvuohta reálagelbbolašvuođa árvvoštallamii
- Sis geas lea vuoigatvuohta váldit oahpu rávisolbmuide, sis lea maid riekti oažžut sin reálagelbbolašvuođa árvvoštallot ja dokumenterejuvvot
- Sis geain ii leat riekti ohppui rávisolbmuide, sis lea riekti oažžut reálagelbbolašvuođa árvvoštallot ja dokumenterejuvvot jus suohkan dahje bargo- ja čálgoetáhtta (NAV) ávžžuha dan.
Rávisolbmot galget ovddemuš váldot sisa oahppofálaldahkii dohkkehuvvon rávisolbmuide, muhto lea maid vejolaš ohcat dábálaš ohppui joatkkaskuvllas.
Fidnofágalaš rekvalifiseren
Jus leat juo ollehan studerengelbbolašvuođa dahje fidnogelbbolašvuođa, muhto sávašit eará fitnogelbbolašvuođa lea dus riekti rekvalifiseremi. Dát mearkkaša ahte dus lea riekti čađahit fága- ja fidnoohppui dassá leat ollehan ovtta (1) vel ođđa loahppagelbbolašvuhtii fidnofágalaš oahpahusprográmmas. Jus dus leat moadde dahje eambbo loahppagelbbolašvuođat, dus ii leat dat riekti. Jus don ovdamearkka dihte leat ollehan oppalaš studerengelbbolašvuođa lasáhusa, rehkenastojuvvo dat dego guokte loahppagelbbolašvuođa.
Sii geat leat ollehan vuolit dássái go fidnoohppui, ovdamearka dihte oahppakandidáhttan, sis lea ain riekti joatkkaohppui, muhto ii fidnofágalaš rekvalifiseringai.
Leago dus dárbu eambbo dieđuid dahje bagadusa?
- Váldde oktavuođa fylkkasuohkanin eambbo dieđuid joatkkaoahpu birra rávisolbmuide.
- Don sáhtát maid geavahit karriearaguovddáža du fylkkas, sii fállet kárriearebagadusa buohkaide badjel 19 jagi.
- Karriereveildning.no fállá kárriearebagadusa, don sáhtát čallit dahje riŋget sidjiide.
