Fidnooahppi/oahppokandidáhtta ja fitnodat

Čakča
Vállje oahppofága

• Don válddát čielgasa makkár oahppofágaide du Jo2-ceahkki láide. Loga: Oahppoprográmmat ja prográmmasuorggit.
• Don ozat eanet dieđuid fidnuin ja oahppoluottain, mat du geasuhit.
• Don ozat dieđuid oahppofitnodagain, mat orrot miellagiddevaččat. Du fylkka fágaoahpahus, skuvlla neavvu ja oahpaheaddjit sáhttet veahkehit du.
• Don geavahat vejolašvuođa bargat fágain čiekŋunprošeavtta oktavuođas.

Dálvi
Ohcamuš neahttasajis vigo.no ja fitnodahkii

Mo ozat oahpposaji?

• Don čuovut áviissaid ja interneahta almmuhusaid ja ozat sajiide iežat fylkkas dahje dan olggobealde.
• Don válddát ieš oktavuođa oahppofitnodagaiguin, main beroštat, ja jearat sáhttágo doppe oažžut oahpposaji.
• Don ozat gaskkusteami neahttasajis vigo.no. Dan galggat dahkat vaikko ieš ozašitge oahpposaji eará láhkai.
• Logge siidui MinID vehkiin. Don oaččut jahkemolsašumis poastta mielde reivve mas leat PIN-kodat (jos it leat geavahan MinID ovdal). Loga mo logget siidui vigo.no ja mo oaččut veahki MinID ektui.
• Fuolat alccesat guitte ohcamušas, jogo e-poasttain dahje čálihat šearbmagova.
• Sáhtát rievdadit mobiilanummira ja čujuhusaid neahttasajis vigo.no suoidnemánu 1. b. rádjai (eanaš fylkkain). Dan maŋŋá galggat almmuhit iežat fylkka ohppuiváldinkantuvrii. Muitte ahte fertet maid ođasmahttit mobiilanummira ja e-poastačujuhusa MinID:s.

Ohcanáigemearit

• Fidnooahppi: njukčamánu 1. beaivi.
• Oahppokandidáhtta: guovvamánu 1. beaivi (eanaš fylkkain).
• Fuolat, ahte dus leat MinID PIN-kodat buori áiggis ovdal ohcanáigemeari.

Geahča maiddái Mo ozat oahpposaji?

Geassi
Gaskkusteapmi ja bargojearahallan

Mo ohcamuš meannuduvvo?

• Fylkkagielda geahččala gaskkustit du daid fágaid oahpposajiide, maidda leat ohcan.
• Du sáhttet čujuhit oahpposajiide dakkár fágain, maidda it leat ohcan, muhto mat vuođđuduvvet du Jo2-ceahkkái.
• Fitnodat dat vállje geasa fállá oahpposaji.
• Du bovdejit oalle sihkkarit jearahallamii. Fuolat ahte leat fáhtemis telefovnnain nu guhká go sajit gaskkustuvvojit - sullii čakčamánu 1. beaivvi rádjai.

Leago dutnje fállojuvvon oahpposadji?

• Muitte ahte fitnodat galgá sáddet nannejumi du ruovttufylkka ohppuiváldinkantuvrii dahje fágaoahpahuskantuvrii.
• Jos it váldde vuostá dutnje fállojuvvon oahpposaji fitnodagas, maid fylkkagielda lea gaskkustan dutnje, de dus ii leat vuoigatvuohta ođđa fálaldagaide.

Iigo dutnje leat fállojuvvon oahpposadji?

• Fylkkagielda sáhttá fállat dutnje molssaevttolaš oahpahusa Jo3-ceahkis skuvllas, jos dus lea vuoigatvuohta joatkkaoahpahussii.