Lærekandidat

Å bli lærekandidat kan vere eit alternativ for deg som trur det kan bli vanskeleg å fullføre eit fag- eller sveinebrev. Som lærekandidat tek du sikte på å meistre eit avgrensa tal kompetansemål.

• Opplæringskontrakt
  Lærekandidatar inngår ein opplæringskontrakt med lærebedrifta når læretida tek til. Dei same reglane gjeld for ein opplæringskontrakt som for ein .
• Kompetanseprøve
  Som lærekandidat skal du ved slutten av kontraktstida gå opp til ei kompetanseprøve som er ei mindre omfattande prøve enn fag-/sveineprøva. Du skal då prøvast ut frå dei måla som er fastsette for opplæringa di. Ved kompetanseprøve gjeld karakterane «Bestått mykje godt», «Bestått» og «Ikkje bestått».

Dersom det i løpet av læretida viser seg at du likevel kan oppnå yrkeskompetanse, kan opplæringskontrakten, etter samtykke frå fylkeskommunen, endrast til ordinær lærekontrakt med fag-/sveinebrev som mål.

Søknad og formidling

Fylkeskommunen skal leggje opp eit opplæringsløp som er tilpassa kvar enkelt lærekandidat. Dette krev ein del førearbeid. Ta derfor kontakt med rådgivaren ved skolen din viss du ønskjer opplæringskontrakt med ei lærebedrift. Rådgjevaren kan gje deg nærare opplysningar og hjelpe deg med søknad om læreplass som lærekandidat. Søknadsfristen er 1. februar.

Rettar og plikter som lærekandidat

Lærekandidatar har tilsvarande rettar og plikter som lærlingar.

• Læreplanen blir erstatta med den individuelle opplæringsplanen.
• Fag-/sveineprøva blir erstatta med kompetanseprøva.
• Lærekontrakten blir erstatta med opplæringskontrakten.