Ovttaskas heiveheapmi
Heivehuvvon oahpahus buohkaide
Heivehuvvon oahpahus lea bajit prinsihpa, iige sierra vuoigatvuođa iešguđet oahppái. Skuvla galgá dohkkehit oahpu mii fuolaha sihke searvevuođa ja juohke oahppi, nu ahte ohppiin lea nu buorre go vejolaš fitnet oahpahusas. Juohke oahppis gálga leat vejolašvuohta oahppat ja ovdánit beroškeahttá eavttuin.
Oahppafitnodat gálga bearráigeahččat ahte oahppin geain lea oahpahus fitnodagas oažžu heiveheami oahppoáiggis.
Ovttaskas heiveheapmi
Muhtun oahppit dárbbašit eambbo heivehemiid go dát mii guoskka buot ohppiide, dát govččoduvvá ovttaskas heiveheapmi.
Ovttaskas heiveheapmi lea juhkkon iešguđet vuoigatvuođaide:
- ovttaskas heivehuvvon ohppui
- sierra veahkkái
- fysalaš heiveheapmi, teknalaš veahkkeávdnasat ja oahpu mobilitehtas.
Oahppis soaitá leat dárbu heiveheapmái unnimus ovttain dahje moadde dain vuoigatvuođain. Vuoigatvuođat leat ovttaskas, ja oahppi dárbbaša sierra mearrádusa dása.
Sierra heivehuvvon oahpahus
Sierra heivehuvvon oahpahus sáhttá leat nu go bargat alternatiiva gealbomihttomeriin, oaččut alternatiiva sisdoalu oahpahusas ja/ dahje oahpahus mii lea organiserejuvvon earelakke.
Sierra veahkki
Sierra veahkki mearkkaša praktihkalaš veahki ja doarjja muhtin olbmos gii sáhttá čuovvut ja veahkehit oahppi beaivválaččaid go lea skuvllas. Dat sáhttá rievdadallat viidágásas, ja sáhttá ovdamearkkadihte leat oaččut veahki
- čuovvut mielde oahpahusas
- sosiálalaš doaimmain bottuin
- gulahallan
- sirddašit, guoddit lávkka dahje ávdnasiid
- garvodit ja nuoladit
- boradit
- fitnat hivssehis
Fysalaš heiveheapmi, teknalaš veahkkeávdnasat ja oahpu mobilitehtas
Dakkár heiveheapmi sáhttá leat nugo
- fysalaš heiveheapmi bargosajis dahje skuvlalanjas
- teknalaš veahkkeávdnasat
- ávdnasat dahje stohpogálvu
- teknalaš ávdnasat ja prográmmagálvu
- dárbbašlaš oahpahus nu ahte oahppi sáhttá geavahit ávdnasiid
Oahppit geain lea sakka heitot oaidnu dahje leat čalmmeheamet
Oahppin geain lea hui heajos oaidnu dahje leat čalmmeheamet, sis lea vuoigatvuohtat vealtameahttun ohppui teknalaš veahkkeneavvuiguin dahje mobilitehtas, sis lea vuoigatvuohta eanet diimmuide go dábálaš áigerámma fága- ja diibmojuohkin jus lea dárbu. Dát čuožžu oahppalágádusas § 1-4. Ohppiin vuođđoskuvllas lea riekti eanemusat 1525 diimmuide ja oahppit joatkkaskuvlla oahpus lea riekti eanemusat 456 diimmuide.
