Utdanningsprogram og programområde
Den vidaregåande opplæringa har 15 forskjellige utdanningsprogram: 5 studieførebuande og 10 yrkesfaglege.
Det første året vel du utdanningsprogram, det andre og tredje året vel du programområde innan utdanningsprogrammet.
Vidaregåande opplæring fører fram til studiekompetanse eller yrkeskompetanse.
Vidaregåande opplæring blir til vanleg gitt som 3 år i skole eller som 2 år i skole og 2 år i bedrift.
5 studieførebuande utdanningsprogram
Den studieførebuannde opplæringa legg mest vekt på teoretisk kunnskap og gir studiekompetanse. Vel du studieførebuande opplæring, kan du ta vidare studium ved høgskole eller universitet etter 3 år.
- Idrettsfag
- Kunst, design og arkitektur
- Medium og kommunikasjon
- Musikk, dans og drama
- Studiespesialisering
10 yrkesfaglege utdanningsprogram
Yrkesfagleg opplæring fører fram til eit yrke og gir yrkeskompetanse med eller utan fag- eller sveinebrev. Vel du yrkesfagleg opplæring, kan du gå ut i yrkeslivet etter 3–5 år, eller du kan ta vidare utdanning, f.eks. ved ein fagskole. Du har også moglegheiten til å ta påbygging til generell studiekompetanse dersom du vil studere vidare ved høgskole eller universitet.
- Bygg- og anleggsteknikk
- Elektro og datateknologi
- Frisør, blomar, interiør og eksponeringsdesign
- Handverk, design og produktutvikling
- Helse- og oppvekstfag
- Informasjonsteknologi og medieproduksjon
- Naturbruk (med mulighet for studieforberedende Vg3)
- Restaurant- og matfag
- Sal, service og reiseliv
- Teknologi- og industrifag
På Vg3 eller etter oppnådd yrkeskompetanse kan du velje påbygging til generell studiekompetanse i alle dei yrkesfaglege utdanningsprogramma.
Oversiktskart
Oppbyggjinga av vidaregåande opplæring er vist på oversiktskartet. Av fargebruken går det tydeleg fram om opplæringa går føre seg i skole (gult) eller bedrift (grønt). Dei blå boksane viser kva kompetanse du har etter at du har fullført og bestått opplæringa.
